ललितपुरको सानागाँउमा बोलेरले ठक्कर दिंदा श्रीमान र श्रीमतीको मृत्यु

१४ मंसिर । ललितपुरको सानागाँउमा बोलेरले ठक्कर दिंदा श्रीमान र श्रीमतीको मृत्यु भएको छ ।

प्रहरीका अनुसार ललितपुरको महालक्ष्मी नगरपालिका ६ सानागाउँमा हाल नम्बर नखुलेको बोलेरो गाडीले बा.२९ प ९४८५ नम्बरको मोटरसाइकललाई बुधबार राति ठक्कर दिँदा मोटरसाइकलमा सवार २ जनाको मृत्यु भएको हो ।
मृत्यु हुनेहरूमा मोटरसाइकल चालक सोही नगरपालिका ८ लुभु घर भएका ४३ वर्षीय दिनेश श्रेष्ठ र उनकी श्रीमती ३७ वर्षीया संगिता श्रेष्ठ रहेका छन् ।

दुर्घटनापछि गम्भीर घाइते भएका उनीहरूको किष्ट अस्पताल इमाडोलमा उपचारको क्रममा मृत्यु भएको हो ।
दुर्घटनामा संलग्न शंकास्पद बलेरो गाडीलाई लुभुस्थित खेतबाट प्रहरीले नियन्त्रणमा लिएको छ ।
हाल फरार गाडी चालकको प्रहरीले खोजी गरिरहेको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको बताएको छ ।