नेपालमा छायांकन गरिएको हिन्दी चलचित्र ‘अप्रेसन भ्यालेन्टाइन’को टिजर सार्वजनिक

३ पुस । नेपालमा  छायांकन गरिएको भारतीय चलचित्र‘अप्रेसन भ्यालेन्टाइन’को टिजर सार्वजनिक भएको छ । चलचित्रमा तेलुगू अभिनेता वरुण तेज र पूर्व मिस वर्ल्ड मानुषी छिल्लरको शीर्ष भूमिका छ ।

शक्तिप्रताप सिंह हाडा निर्देशित चलचित्रमा प्रशस्तै एरियल–एक्सन दृश्य समेटिएका छन् । सोनी पिक्चर्स इन्टरनेसनल र रेनसान्स पिक्चर्सले निर्माण गरेको यो चलचित्रको छायांकन नेपालका केही हिमाली थलोमा गरिएको छ ।

वर्किङ टाइटल ‘भिटी १३’ राखेर नेपालमा छायांकन गरिएको यो चलचित्रको नामकरण ‘अप्रेसन भ्यालेन्टाइन’ पछि तय गरिएको हो । यो चलचित्रका नेपाली लाइन प्रोड्युसर फूर्वा शेर्पाका अनुसार लाङटाङ उपत्यका, सिन्धुपाल्चोकको जुगल हिमाल क्षेत्रमा यो चलचित्रको छायांकन गरिएको थियो ।