ललितपुरको ठेचोमा स्कुटर चोरी गर्ने युवक पक्राउ

५ पुस । ललितपुरको ठेचोमा स्कुटर चोरी गरेको अभियोगमा एक युवक पक्राउ परेका छन् ।
प्रहरीका अनुसार गोदावरी नगरपालिका १२ ठेचोस्थित हिरानाथ महर्जनले संचालन गरेको पसलभित्र पार्किङ गरी राखिएको बा.५८ प २३१८ नम्बरको स्कुटर, हेल्मेट, नगद लगायत अन्य धनमाल चोरी गरेको अभियोगमा सिन्धुपाल्चोक बाह्रबिसे नगरपालिका २ कर्थली घर भई ठेचोमै डेरा गरी बस्ने २२ वर्षीय आमोस तामाङलाई बुधबार प्रहरीले पक्राउ गरेको छ ।
चोरी घटनाको अनुसन्धान गर्ने क्रममा गोदावरी नगरपालिका १२ ठेचोमा उनलाई फेला पारी सोधपुछ गर्ने क्रममा उनले उक्त स्कुटर गत मंसिर १५ गते चोरी गरेको खुल्न आएपछि उनलाई प्रहरीले पक्राउ गरेको हो ।
साथै उनले बागमती एएए ६४५१ नम्बरको स्कुटरसमेत काठमाडौंबाट चोरी गरी आफू बस्ने ठाउँमा पार्किङ गरी राखेको खुल्न आएको छ ।
उनी उपर जिल्ला अदालत ललितपुरबाट ७ दिन म्याद थप गरी अनुमति प्राप्त गरी आवश्यक कारवाही भइरहेको प्रहरीले जानकारी दिएको छ ।

यस समाचारको समाचारको शिर्षकमा तामाङ शव्द असावधानीवस पर्न गएको र समुदायमा चोट पर्नसक्ने देखिएकाले सच्चाइएको छ । सम्पादक