चलचित्र ‘अगस्त्य’ एक युवकले मोवाइलबाट खिचेर गरिदिए सार्वजनिक

काठमाडौं
२१ फागुन । चलचित्र ‘अगस्त्य’ एक युवकले मोवाइलबाट खिचेर युट्युवमा सार्वजनिक गरिदिएका छन् ।
विवेक विक्रम शाहीको नामबाट युट्युवमा यस चलचित्रको भिडियो सार्वजनिक भएको हो ।
यही शुक्रबारबाट सार्वजनिक भएको चलचित्र ‘अगस्त्य’को तीन वटा भिडियो बनाएर उनले युट्युवमा पाइरेट गरेका हुन् ।

युट्युवमा पछिल्लो १४ घण्टा अगाडि ३१ मिनेट ३९ सेकेन्डको भिडियो क्लिप सार्वजनिक भएको छ । यही च्यानलबाट अर्को गीत र फाइटको सानो क्लिप भिडियो पनि सार्वजनिक गरिएको छ ।
निर्माताले करोडौं खर्च गरेर निर्माण गरेको चलचित्र चोरेर सामाजिक सञ्जालमा प्रशारण गर्नु गैरकानूनी हो ।
चलचित्र पाइरेसी रोक्न पछिल्लो समय हलमा विज्ञापन प्रशारण गरेर गैरकानूनी हर्कत नगर्न सचेत गराइएको भए पनि बेला बेलामा चलचित्र सामाजिक सञ्जालमार्फत लिक हुने गरेको पाइन्छ ।