ललितपुरको कुसुन्ती सडकमा एक पुरुष मृत अवस्थामा फेला

काठमाडौं
 २३ फागुन। ललितपुरको कुसुन्ती सडकमा बुधबार एक पुरुष मृत अवस्थामा फेला परेका छन् ।
प्र्रहरीका अनुसार ललितपुरको ललितपुर महानगरपालिका १३ कुसुन्ती खड्काटोलमा ४५ वर्षीय विकास लामा मृत अवस्थामा फेला परेका हुन् ।
पर्सा वीरगंज महानगरपालिका ४ घर भएका उनी कुसुन्तीमै डेरा गरी बस्ने गर्दथे ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।