चलचित्र ‘मनसरा’को टिजर : बाजे र लिम्बुनीको कथा

८ चैत्र । मनसरा लिम्बुको खोजीको कथामा आधारित चलचित्र मनसराको टिजर सार्वजनिक भएको छ । टिजरमा अभिनेता दयाहाङ राई चलचित्रकी पात्र मनसरा लिम्बु खोन्दै भौतारिरहेको दृश्य देखाइएको छ । चलचित्रमा मनसरा लिम्बु हराएको सूचना समेत टिजरमा देखिएको छ ।
चलचित्रमा अभिनेता प्रवीण खतिवडा र अभिनेत्री मेनुका प्रधानको घर झगडाको दृश्य टिजरमा अटाइएको छ ।
खतिवडा ब्राम्हण बाजे र मिरुना मगर लिम्बुनीको भूमिकामा चलचित्रको पर्दामा देख्न पाइने छनक टिजरले दिएको छ । चलचित्रमा लोग्ने स्वास्नीको झगडादेखि विभिन्न जातजातीको समिश्रणले बनेको समाजको कथा समेटिएको अनुमान लगाउन सकिन्छ ।
चलचित्रको निर्देशक तथा लेखन उपेन्द्र सुब्बाले गरेका छन् । सुब्बाको चलचित्र जारी रजतपटमा सुपरहित भएको थियो । यहीे वैशाख २१ गतेदेखि प्रर्दशनको तयारीमा रहेको चलचित्र ‘मनसरा’मा कलाकारहरू दयाहाङ राई, मिरुना मगर, प्रवीण खतिवडा, मेनुका प्रधान लगायतको अभिनय रहेको छ ।
चलचित्रका निर्माता छायांकार समेत रहेका शैलेन्द्र ध्वज कार्की रहेका छन् भने सिजन दाहाल कार्यकारी निर्माता हुन् । चलचित्र मनसराको सह–निर्माता विष्णु कुमार लिम्बु, मनोरथ पोखरेल, पर्शु अधिकारी, पिटर गुरुङ र जीवन लिम्बु थाक्लुङे रहेका छन् । फिल्ममा निमेष श्रेष्ठको सम्पादन छ ।