कपिल शर्माको शुभकामना समेटिएको चलचित्र ‘बद्री बहादुर’को ट्रेलर सार्वजनिक

८ चैत्र । भारतीय कमेडियन कपिल शर्माको शुभकामना समेटिएको चलचित्र बद्री बहादुरको ट्रेलर राजधानीमा विहीबार सार्वजनिक गरिएको छ ।
३ मिनेट ३२ सेकेण्ड लामो ट्रेलरमा चलचित्रको टिजरमा यौन मिसिएको द्वअर्थी संवाद समेत सुन्न सकिन्छ । ‘धेरै हाँसनेले चलचित्र नहेनुहोला’ भन्दै प्रचार सुरु गरिएको निर्माण पक्षले हास्यप्रधान चलचित्र रहेको प्रष्ट पार्न ट्रेलरमा ‘अति हाँस्ने होइन त ?’ ‘धेरै हाँस्न नसक्नेले एकपटक सोच्ने कि ?’ जस्ता क्याप्सन ट्रेलरमा नै लेखिएको छ ।
चलचित्रको निर्देशक सोभित बस्नेतले निर्देशन गरेको चलचित्रको कथा रामजी घिमिरेले लेखेका हुन् ।
सञ्चारकर्मी तथा विकास बोर्डका सदस्य समेत रहेका रवि अधिकारी कार्यकारी निर्माता रहेको चलचित्र विजय गोपाल दली प्रस्तुतकर्ता र मिथुन भोटे चलचित्रको निर्मातामा छन् ।
एवी पिक्चर्स फार्म र सलोन सलिना फिल्मस्को ब्यानरमा निर्माण भएको यस चलचित्रमा कलाकारहरु जय किसन बस्नेत, एलिना गुरुङ, छुल्ठिम गुरुङ, राजीव जंग बस्नेत, धिरेन शाक्य, उत्तम केसी, वर्षा चौलागाई र निर्देशक शोभित बस्नेतले समेत अभिनय गरेका छन् । चलचित्रको गीतमा अभिनेता सलोन बस्नेत र अभिनेत्री पूजा शर्मालाई समेत देख्न पाइन्छ ।
फिल्ममा टंक बुढाथोकी र उजन नेम्वाङको संगीत, रामकाजी घिमिरे लेखन, शंकर महर्जनको द्वन्द्व निर्देशन, रामजी राउत र ज्ञान कुमार कट्टेलको मुख्य सहायक निर्देशन तथा समिर मियाँ सम्पादन छ ।
आरआर फिल्म्सले वितरण गर्ने फिल्मलाई काठमाडौं, लमजुङ्ग, धरान र संखुवासभा क्षेत्रमा छायांकन गरिएको हो ।