२९ चैत । प्रतिकूल मौसमका कारण हवाई उडान प्रभावित भएको छ। अपराह्न एक्कासी आएको हावाहुरीका कारण त्रिभुवन अन्तर्राष्ट्रिय विमानस्थलबाट हुने आन्तरिक र बाह्य दुवै उडान प्रभावित भएको विमानस्थलका प्रवक्ता सुवास झाले जानकारी दिए।
उनका अनुसार आन्तरिक उडानका हवाईजहाज ‘डाइभर्ट’ भएका छन् भने अन्तर्राष्ट्रियतर्फ केही हवाईजहाज आकाशमा फन्को लगाउने ‘होल्ड’ हुनुका साथै केही हवाईजहाज विभिन्न गन्तव्यमा डाइभर्ट भएका छन्।
नेपालगञ्जबाट काठमाडौं आउँदै गरेको बुद्ध एयरको हवाईजहाज भैरहवा फर्किएको थियो भने सिमराबाट काठमाडौं आइरहेको सोही कम्पनीको हवाईजहाज सिमरा नै डाइभर्ट भएको छ। काठमाडौंबाट पोखरा जान लागेको यती एयरलाइन्सको हवाइजहाज काठमाडौँ नै फर्किएको छ।
प्रतिक्रिया