चलचित्र ‘कल्की २८९८ एडी’ को पोस्टरमा अमिताभ बच्चनको लुक्स

काठमाडौँ
९ वैशाख । बलिवुडमा यस वर्षको सबैभन्दा ठूलो साइंस फिक्शन फिल्म ‘कल्की २८९८ एडी’ का निर्माताले आइतबार चलचित्रको अमिताभ बच्चनको नयाँ पोस्टर सार्वजनिक गरेका छन् ।

निर्माताले सेयर गरेको चलचित्रको नयाँ लुकमा अमिताभ पुरानो मन्दिरमा बसेको देख्न सकिन्छ । तिनीहरू आशावादी आँखाले सूर्यको किरणतिर हेरिरहेका छन् ।

साउथ सुपरस्टार प्रभास, अमिताभ बच्चन, दीपिका पादुकोण र कमल हासन स्टारर चलचित्र ‘कल्की २८९८ एडी’ यस वर्षको मे ९ मा रिलिज हुने तय भएको थियो । अहिले लोकसभा चुनावका कारण निर्माताले यसको प्रर्दशन स्थगित गरेको बताएका छन् ।

चलचित्रको टिजर गत वर्ष रिलिज भएको थियो । यसले संसारमा कसरी अन्धकारले राज्य गरेको छ भनेर देखाएको छ ।

यो वर्षको सबैभन्दा महँगो चलचित्र ‘कल्की २८९८ एडी’ भनिएको छ । यो चलचित्र निर्माणको लागत लगभग ६०० करोड भारु रहेको बताइएको छ । यसलाई तेलुगु सिनेमाका चर्चित निर्देशक नाग अश्विनले बनाएका हुन् ।
यो चलचित्र प्रभासका लागि निकै महत्वपूर्ण बताइएको छ । गत वर्ष उनको चलचित्र ‘आदिपुरुष’ पनि ६०० करोडको बजेटमा बनेको थियो तर त्यो बक्स अफिसमा फ्लप साबित भएको थियो । त्यसअघि ‘सलार’ ले ५९० करोडको व्यापार गर्न सफल भएको थियो ।