चलचित्र ‘पूजार सार्की’को नयाँ शैली, नयाँ गीतसँगै अभिनेता प्रदिपको चरित्र सार्वजनिक

काठमाडौँ
१८ वैशाख । दिनेश राउतको निर्देशन रहेको चलचित्र ‘पूजार सार्की’ले नयाँ शैली अपनाउदै गीतसँगै अभिनेता प्रदिप खड्काको चरित्र सार्वजनिक गरेको छ ।
गाँउले परिवेसमा निर्माण गरिएको चलचित्र दोस्रो गीत ’रिमै’ बोलको गीत लोकआधुनिक शैली रहेको छ । चलचित्रको निर्माणपक्षले सुमधुर गीतसँगै प्रदिप खड्का पश्चिमेली लबजमा बोलेको संवाद सुन्न सकिन्छ । दृश्यको क्रममा बन्चरो खोसेको गोली चलेको दृश्य पनि राखिएको छ । दृश्यमा अभिनेत्री अञ्जना बराईली गोली लागेर ढलेकी आमा आमा भन्दै रोएको सुनिन्छ ।
प्रदिप खड्का पल शाहलाई मेघजी भन्दै सम्बोधन गर्छन् । तिमीले मेरो विहे गर्दिनौं कि क्या हो ? भनेको संवाद राखिएको छ
लोक लयमा आधारित गीतको शब्द रचना, सुवास भुसालको संगीत तथा देवेन्द्र बराल र मुना ठटालको युगल स्वर रहेको छ ।
मंगलबार युट्युबमा सार्वजनिक गीतमा गीतमा फिल्मका मुख्य कलाकारहरु आर्यन सिग्देल र अञ्जना बराइली जोडीको रुपमा प्रस्तुत भएका छन् भने प्रदीप खड्का र परीक्षा लिम्ब पनि देखिन्छन् । गीतमा अभिनेता पल शाहलाई पनि देखाइएको छ ।

विकास सुवेदीको लेखन रहेको चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि अभिनय छ ।

जातीय विभेदविरुद्धको कथामा आधारित भएर बनेको चलचित्रलाई सुवास भुसालले निर्माण गरेका हुन् । किङ्गडम नेटवर्कको प्रस्तुति रहेको चलचित्रमा राजेश श्रेष्ठको डिओपी, भरत रेग्मीको सम्पादन, सुप्रिम पराजुलीको कलर ग्रेडिङ तथा हिमाल केसीले द्वन्द्व निर्देशन छ ।

आगामी जेठ १० गतेबाट सार्वजनिक प्रदर्शनमा आउन लागेको चलचित्रलाई आरआर फिल्मसले वितरण गर्दैछ । अन्तर्राष्ट्रिय बजारमा एमएसएम इन्टरटेन्मेन्टले वितरण अधिकार लिएको छ ।