चलचित्र ‘फर्कि फर्कि’को प्रिमियर : अभिनेता अनमोल र जसिताको अभिनयको तारिफ

ललितखबर
९ जेठ । राजधानीमा बुधबार साँझ आयोजित चलचित्र फर्कि फर्किको प्रिमियरमा सहभागी शुभेच्छुक कलाकारहरुले अभिनेता अनमोल केसी र अभिनेत्री जसिता गुरुङको अभिनयको तारिफ गरेका छन् ।
झण्डै डेढ बर्षपछि नयाँ चलचित्रमार्फत अभिनयमा फर्केका अभिनेता अनमोल केसीले टाइम लुप विधा (जनरा)मा चर्चा योग्य अभिनय गरेको भन्दै अभिनेत्री सुरक्षा पन्तले प्रसंशा गरिन् ।
अभिनेत्री झरना थापाले जसिता र अनमोलको काम पनि राम्रो लागेको बताइन् । नव अभिनेत्री नीति शाहल पनि दुवैको अभिनय मन परेको बताइन् ।
अभिनेत्री दिपाश्री निरौलाले अनमोलको अभिनय ट्रेलरभन्दा पनि राम्रो लागेको बताइन् ।
कलाकार बसुन्धरा भुसालले अनमोलको अभिनय वावु भुवन केसीभन्दा पनि राम्रो लागेको बताइन् ।
चलचित्रमा अनमोलले अहिलेसम्मकै राम्रो चलचित्र भन्दै अभिनेता दिपकराज गिरीले प्रसंसा गरे ।
अभिनेत्री नीता ढुंगानाले चलचित्र हेर्दै जाँदा अभिनेता अनमोल केसीले अनिनयमा एक पछि अर्को चलचित्रमा सुधार गर्दै गएको अनुभव सुनाइन् ।
हस्य कलाकार हरिबंश आचार्यले अनमोल केसीले परिपक्क अभिनय गरेको तर्क गरे । उनले कोरियन चलचित्रजस्तै राम्रो लागेको बताए ।
कलाकार किरण केसीले अभिनेता अनमोल केसीले अभिनय कम गर्छ भन्ने कुरालाई खण्डन गर्न सफल रहेको बताए । राजधानीमा भएको प्रिमियरमा अभिनेता अनमोल र जसितालाई बधाई दिएको घुइचो रहेको थियो । ्
राजधानीलगायतदेशभर चलचित्र फर्कि फर्कि आजदेखि प्रर्दशन भइरहेको छ ।

च्लचित्रमा अभिनेता अनमोल केसी, अभिनेत्री जसिता गुरुङ, रवि काफ्ले, समृद्धि अर्याललगायतको अभिनय हेर्न सकिन्छ भने चलचित्रलाई सुयोग गुरुङले निर्देशन गरेका हुन् ।