एमाले अध्यक्ष केपी ओलीले गरिदिए चलचित्र ’पुजार सार्की’ र ’फर्की फर्की’को प्रचार

१२ जेठ । एमाले अध्यक्ष केपी ओलीले गतविहीबारबाट प्रर्दशनमा आएको चलचित्र ’पुजार सार्की’ र ’फर्की फर्की’को प्रचार गरेका छन् ।
सामाजिक सञ्जालमा चलचित्र ’पुजार सार्की’ र ’फर्की फर्की’को प्रारम्भिक रिभ्यु राम्रो भएको सुनेको तर बेफुसंदी भएकाले चलचित्र हेर्न नपाएको लेख्दै शेयर गरेका छन् ।
अध्यक्ष ओलीले कलाकारहरुको अभिनय बेजोड रहेको र विषयवस्तु पनि अब्बल उठाउएको भन्दै शुभकामना दिएका छन् ।
उनले समय मिले आफू पनि चलचित्र हेर्ने इच्छा व्यक्त गरेका छन् ।
यस्तो छ अध्यक्ष ओलिको विचार :

आज शनिबार । धेरैले फिल्म पनि हेर्नु भयो होला, हेर्दै हुनुहुन्छ होला । शनिबार भए पनि म अलि बेफुर्सदी भएँ। युवा पुस्ताका नयाँ कलाकारहरुले अभिनय गर्नु भएका यी दुई चलचित्र – ’पुजार सार्की’ र ’फर्की फर्की’को प्रारम्भिक रिभ्यु राम्रो भएको सुन्न र पढ्न पाएको छु। कलाकारहरुको अभिनय बेजोड छ भन्ने सुनेको छु। विषयवस्तु पनि अब्बल उठाउनु भएको छ। युवा टिम सबैलाई शुभकामना !!
समय मिले म पनि चलचित्र हेर्ने नै छु।