दशैंमा चलचित्र छक्का पञ्जा ५, दिपकराज राजा, बर्षा रानी ?

ललितखबर
१७ जेठ । निर्माता तथा अभिनेता दिपकराज गिरीले चलचित्र छक्का पञ्जा ५ निर्माणको घोषणा गरेका छन् । सामाजिक सञ्जालमार्फत चलचित्रको पोस्टर सार्वजनिक गर्दै उनले चलचित्रको घोषणा गरेका हुन् ।
सार्वजनिक पोष्टरमा दिपकराज गिरी र अभिनेत्री बर्षा सिवाकोटी फिचर्ड छन् । सँगै केदार घिमिरे ‘माग्नेबुढा’ छाता बोकेर उभिएका छन् ।
कमेडी विधा(जनरा)मा चलचित्र निर्माण गरिरहेका अभिनेता दिपकराज गिरी राजा पात्रमा निरन्तर देखिदै आएका छन् । साथमा मुकुट पहिरिएर बसेकी बर्षा रानीको भूमिकामा रहेको अनुमान गर्न सकिन्छ । कलाकार केदार घिमिरेले ओढाइरहेको छाता र पोस्टरमा देखिएका उनीहरुको शैलीले राजसी ठाँटको प्रतिनिधित्व गरिरहेको छ ।
अभिनेता गिरीले यसअघि नै दशैंको छेको पारेर चलचित्र निर्माण र निर्माणको घोषणा गरिरहेका थिए । चलचित्र अशोज २४ गतेबाट प्रर्दश नगरिने भएको छ ।
पोस्टरमा उल्येख भए अनुसार दिपाश्री निरौलाले चलचित्रको निर्देशन गर्नेछिन् । चलचित्रलाई आइएमइ समूहले साथ दिएको छ ।

आर्कषक