बलिउडका सुपरस्टार अभिनेता अक्षयकुमारको चलचित्र बक्स अफिसमा लगतार असफल

काठमाडौँ
५ असार । बलिउडका सुपरस्टार अभिनेता अक्षयकुमार बक्स अफिसमा लगतार चलचित्र असफल भएपछि हित चलचित्रको खोजीमा रहेका छन् ।

उनको अघिल्लो चलचित्र ‘बडे मियाँ छोटे मियाँ’ ले बक्स अफिसमा खराब प्रदर्शन गरेको थियो । यस चलचित्रले भारतीय बक्स अफिसमा ५९ करोड मात्र कलेक्सन गरेको थियो । ठुलो बजेटमा बनाइएको बनिएको यो चलचित्र असफल भएको थियो । यस चलचित्रको बजेट साढे ३ सय करोड भारु रहेको बताइएको छ ।

यसअघि उनको २०२३ को अक्टोबरमा रिलिज भएको ‘मिशन रानीगञ्ज’ पनि असफल भएको थियो । यस चलचित्रले बक्स अफिसमा केवल ३३ करोड मात्र कमाई गरेको थियो । यो चलचित्रले पनि आफ्नो लागत उठाउन सकेन । यसको लागत ५५ करोड भारु बताइएको छ ।

त्यसैगरी २०२३ को फेब्रुअरीमा प्रदृशन भएको चलचित्र सेल्फी पनि असफल भएको थियो । करिब सय करोडको बजेटमा बनेको यो चलचित्रले बक्स अफिसमा केवल २३ करोड मात्र कमाएको थियो ।

त्यस्तै २०२२ को अक्टोबरमा प्रर्दशन भएको अक्षयकुमारको रामसेतु पनि बक्स अफिसमा फ्लप भएको थियो । १५० करोडको लागतमा बनेको यो चलचित्रले केवल ९२ करोड मात्र कमाएको थियो ।

यसरी लगातार फिल्म फ्लप भएपनि उनका नयाँ चलचित्र आउने क्रम रोकिएका छैनन् । अक्षय कुमारको आगामी चलचित्रहरूमा ’सरफिरा’, ’खेल खेल में’, ’वेलकम टु द जङ्गल’ र ’स्काई फोर्स’ समावेश छन् । त्यस्तै उनी ‘सिंघम अगेन’ मा पनि देखिनेछन्, तर चलचित्र मुख्यतया अजय देवगनको चरित्रको वरिपरि घुम्ने भएकाले यसमा उनको भूमिकाका लागि क्रेडिट पाउने सम्भावना देखिदैन ।

सिरफिरा

‘सरफिरा’ जुलाई १२ मा प्रर्दशन हुनेछ । यो चलचित्र सूर्या स्टारर चलचित्र ‘सूरराई पोत्रु’ को हिन्दी रिमेक हो । यो चलचित्र पनि सुधा कोंगाराले नै निर्देशन गरेकी थिइन् भने हिन्दी रिमेक पनि उनले नै निर्देशन गरेकी हुन् । ‘सराफिरा’ मा अक्षय कुमारसँगै राधिका मदान र परेश रावल पनि देखिनेछन् । यो चलचित्रले कमल हसनको ‘इन्डियन २’सँग प्रतिस्पर्धा गर्नेछ ।

खेल खेल मे

अक्षय कुमारको अर्को चलचित्र ‘खेल खेल मे’ अगस्त १५ मा प्रर्दशन हुदैछ । यस चलचित्रमा तापसी पन्नु, वाणी कपूर, फरदीन खान र आदित्य सिलले पनि अभिनय गरेका छन् । यो कमेडी चलचित्र हो । यो चलचित्रको अगाडिको चुनौती कम छैन, किनकि जोन अब्राहमको ‘वेद’ र राजकुमार राव र श्रद्धा कपूरको ‘स्त्री २’ सँगै प्रर्दशन हुँदैछ ।

स्काई फोर्स

अक्षय कुमारको ‘स्काई फोर्स’ अक्टोबर महिनामा प्रर्दशन हुँदैछ । यो चलचित्रलाई सन्दीप केलवानीले निर्देशन गरेका हुन् । यो एक एक्सन चलचित्र हो, जुन भारतीय सेनाले गरेको पहिलो हवाई हमलामा आधारित छ । यो अक्टोबर २ मा प्रर्दशन हुने यस चलचित्रमा अक्षय कुमारका अलावा वीर पहाडियाले पनि काम गरेका छन् ।

वेलकम टू द जंगल

‘वेलकम टु द जंगल’ वर्षको अन्तिम महिना अर्थात डिसेम्बरमा प्रदृशन हुनेछ । जसलाई अहमद खानले निर्देशन गरेका हुन् । यो कमेडी चलचित्र हो, जुन ‘वेलकम’ फ्रेन्चाइजको तेस्रो भाग हो । ‘वेलकम टु द जङ्गल’ मल्टिस्टार चलचित्र हो, जसमा अक्षय कुमार बाहेक अर्शद वारसी, लारा दत्त, जोन अब्राहम, परेश रावल, रविना टण्डन र दिशा पटानी लगायतका कलाकारहरु देखिनेछन् । तर, मिडिया रिपोर्टका अनुसार यो चलचित्रको प्रदृशन मिति परिवर्तन गरेर २०२५ मा धकेलिन सक्ने बताइएको छ ।