ललितपुरको एक सरकारी कार्यालयको ताल्चा फोरेर चोरी ललितपुर

१५ साउन । ललितपुरको एक सरकारी कार्यालयको ताल्चा फोरेर चोरी भएको छ ।
प्रहरीका अनुसार ललितपुर महानगरपालिका–२६ ढोलाहीटीस्थित २६ नम्बर वडा कार्यालयमा चोरी भएको हो ।
कार्यालय भवनको मूल गेटको ताल्चा फोडेर चोरी भएको प्रहरीको भनाई छ । कार्यालयबाट सिपियु ५ थान, मनिटर १ थान र चुलो १ थान गरी करिब १ लाख ३९ हजार ५ सय रूपैयाँ बराबरको सरसामान मंगलबार बिहान चोरी भएको प्रहरीले जानकारी दिएको छ ।
प्रहरीले चोरीमा संलग्न हाल फरार व्यक्तिहरूको खोजी गरिरहेको जानकारी दिएको छ । घटनाका सम्बन्धमा आवश्यक अनुसन्धान गरिरहेको प्रहरीले बताएको छ ।