चलचित्र ‘पूर्ण बहादुरको सारङ्गी’को पोस्टरमा समेटिए विजय बराल र प्रकाश सपुत

काठमाडौं
१४ भदौं । कलाकार विजय बराल र प्रकाश सपुतको तस्विर चलचित्र ‘पूर्ण बहादुरको सारङ्गी’को पोस्टर सार्वजनिक भएको छ ।

सार्वजनिक पोस्टरमा चलचित्रका मुख्य पात्र विजय बराल र प्रकाश सपूतलाई स्थान दिइएको छ । झुस्स दारी जुंगामा खुसी देखिएका विजयको नजिकबाट एकातर्फी अनुहार देखाइएको छ ।

त्यसको ठिक तल प्रकाश सपूत सरकारी विद्यालयको पोशाकमा हातमा मार्कसिट बोकेर उफिदै घरतिर कुदिरहेका छन् । यसले उनी स्कुलको कुनै कक्षामा सबलाई टपेर प्रथम भएको संकेत गरिरहेको छ ।

प्रकाश र विजयको खुसीले उनीहरु एकै घरका सदस्य हुन् भनेर अनुमान लगाउन सकिन्छ । तर, यसबारे निर्माणपक्षले केही जानकारी दिएको छैन ।

सरोज पौडेलको लेखन तथा निर्देशन रहेको चलचित्रमा विजय र प्रकाशसँगै मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिास बास्तोला, श्याम केसी, जानवी पौडेललगायतको अभिनय छ ।
। चलचित्र ‘पूर्ण बहादुरको सारङ्गी’को निर्माण समूहले प्रदर्शन मिति घोषणा गर्दै चलचित्रको पोस्टर सार्वजनिक गरेको हो ।

सेभेन सिस सिनेमा र बासुरी फिल्मसको प्रस्तुति रहेको चलचित्रका विनोद पौडेल र प्रतीक सुवेदी निर्माता हुन् ।
कात्तिक १५ गते (लक्ष्मीपूजा)बाट प्रदर्शन हुने यो चलचित्रलाई सेभेन सिज इन्टरटेनमेन्टले नै विश्वभर प्रदर्शन गराउने भएको छ ।