बलिउड चलचित्र स्त्री–२ का कमाई भारु ५८० करोड १८ लाख

लचित्रले अहिले पनि राम्रो कमाई गरिरहेको र ६०० करोड क्लबमा सामेल हुनसक्ने

काठमाडौँ
३१ भदौं । बलिउड चलचित्र स्त्री–२ ले भारतीय बक्स अफिसमा शानदार कमाई गरिरहेको छ । अहिलेसम्म चलचित्र स्त्री–२ ले भारु ५८० करोड १८ लाख कमाई गरेको छ ।

चलचित्र विश्लेषक तरण आदर्शका अनुसार चलचित्रले प्रर्दशनको पाँचौं सातासम्म भारु ५८० करोड १८ लाख कमाएको जानकारी दिएका छन् । चलचित्रले अहिले पनि राम्रो कमाई गरिरहेको र ६०० करोड क्लबमा सामेल हुनसक्ने आदर्शले उल्लेख गरेका छन् ।

करिब भारु ५० करोडको लागतमा बनेको यो चलचित्रले पहिलो दिनमा नै आफ्नो लागत उठाएको थियो ।

अमर कौशिकले निर्देशन गरेको स्त्री–२ मा श्रद्धा कपूर, राजकुमार राव, पंकज त्रिपाठी, अभिषेक बेनर्जीलगायतको अभिनय रहेको छ ।