‘स्त्री–२’ ले भारतीय बक्स अफिसमा धेरै कमाई गर्ने दोश्रो चलचित्र

बलिउड चलचित्रको इतिहासमा ६०० करोड कमाई गर्ने स्त्री– २ दोस्रो चलचित्र हो । यस अघि शाहरुख खानको २०२३ को सेप्टेम्बरमा प्रर्दशन भएको चलचित्र जवानले ६४३ करोड ८७ लाख कमाई गरेको थियो

काठमाडौँ
७ असोज । चलचित्र ‘स्त्री–२’ ले प्रर्दशनको छैटौं सातापछि आइतबारसम्म ६०४ करोड २२ लाख कमाई गरेको छ ।

चलचित्र विश्लेषक तरण आदर्शका अनुसार बलिउड चलचित्रको इतिहासमा ६०० करोड कमाई गर्ने स्त्री– २ दोस्रो चलचित्र हो । यस अघि शाहरुख खानको २०२३ को सेप्टेम्बरमा प्रर्दशन भएको चलचित्र जवानले ६४३ करोड ८७ लाख कमाई गरेको थियो । जवान अहिलेसम्म भारतीय बक्स अफिसमा सबैभन्दा बढी कमाई गर्ने चलचित्र हो । त्यस्तै स्त्री–२ पछि रणवीर कपुरको एनिमलले ५५६ करोड ३६ लाख कमाई गरेको थियो ।

करिब ५० करोडको लागतमा बनेको स्त्री–२ ले पहिलो दिनमा नै आफ्नो लागत उठाएको थियो । अमर कौशिकले निर्देशन गरेको स्त्री–२ मा श्रद्धा कपूर, राजकुमार राव, पंकज त्रिपाठी, अभिषेक बेनर्जीलगायतको अभिनय रहेको छ ।

बलिउड चलचित्र स्त्री–२ ले भारतीय बक्स अफिसमा शानदार कमाई गरिरहेको छ । अहिलेसम्म फिल्म स्त्री–२ ले भारतीय बक्स अफिसमा ६०० करोड पार गरेको छ ।