चापागाँउका पण्डित ओछ्यानमै मृत फेला

चापागाँउ
ललितपुरको चापागाँउमा एक पुरुष मृत अवस्थामा फेला परेका छन् ।
प्रहरीका अनुसार गोदावरी १० टाहाखेलस्थित आफ्नै घरमा अन्दाजी ५२ बर्षीय जितु पण्डित मृत अवस्थामा फेला परेका छन् ।
अघिल्लो दिनसम्म आफैले खाना पकाएर खाएका पण्डित विहान स्थानीयले ओछ्यानबाट नउठेपछि हेर्न जाँदा मृत भेटिएका थिए । घरमा कोही नभएको अवस्थामा उनी मृत थिए ।
स्थानीयका अनुसार विहान घरको ढोका खुलै थियो ।
घटनाको मुचुल्का उठाएर प्रहरीले पाटन अस्पतालमा पोष्ट मार्टमका लागि पठाएको छ ।