दक्षिण ललितपुरको प्युटारमा एम्बुलेन्स दुर्घटना, तीन घाइते, उपचारका लागि पाटन ल्याइयो

चापागाँउ
दक्षिण ललितपुरको प्युटारमा एम्बुलेन्स दुर्घटनामा परेको छ । आश्राङ प्रहरी चौकीका अनुसार सदरमुकामबाट विरामी पु¥याएर फर्कीरहेको अवस्थामा वागमती गाँउपालिका ५ प्युटारस्थित फुर्केडाँडा जाने क्रममा ढुंगामा ठोक्किएर प्रदेश ३ ०१ ००२ झ ५२२७ नम्बरको एम्बुलेन्स दुर्घटनामा परेको हो ।
दुर्घटनाका क्रममा एम्बुलेन्स ५० मिटर सडकमुनी पुगेको छ ।
एम्बुलेन्समा बीच सडकबाट घर फर्किरहेका स्थानीय सेते गोले र लक्ष्मी लो सवार थिए । उनीहरुले चालक बिरमान स्याङ्तानसँग लिफ्ट मागेर एम्बुलेन्स चढेका थिए । दुर्घटनापछि तीनै जना घाइते छन् । घाइते चालक र यात्रुको स्थानीयले उद्दार गरेर प्युटारस्थित थाङ्सिङ्टार अस्पतालमा उपचारका लागि लगिएको थियो ।
घाइतेहरुको सरिरको बाहिरी भागमा चोट छैन । यद्यपी डाक्टरहरुले सरिरको भित्री भागमा चोट लागेको आशंका गर्दै पाटन अस्पताल रिफर गरेपछि उनीहरुको उपचारका लागि पाटन अस्पताल ल्याइएको छ ।