ललितपुर
आज शुक्रबारदेखि देशभरका चलचित्र भवनमा ‘मिसिङः केटी हराएको सूचना’ प्रदर्शन सुरु भएको छ ।
मुकिन, उजेलीजस्ता टेलिसिरियलका सफल निर्देशक दीपेन्द्र गौचनको लेखन र निर्देशनमा याने चलचित्र निर्माण गरिएको हो ।
चलचित्रमा अभिनेता नाजिर हुसेन र सृष्टि श्रेष्ठको प्रेम कहानी हेर्न पाइनेछ । सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रूपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको चलचित्रमा अभिनय रहेको छ ।
अनौठो घटनाबीच अपहरणमा परेकी युवती हराउदा आउँने उतार चढावलाई चलचित्रको विषयबस्तु बनाइएको छ । चलचित्रमा अभिनेता नाजिर र श्रृष्टिको झण्डै ९८ प्रतिशत दृष्य रहेको छ ।
चलचित्रका कार्यकारी निर्माता नकिम उद्दिन रहेका छन् भने एप्पल इन्टरटेनमेन्ट, रिच इन्टरटेनमेन्ट र एफडी कम्पनीले चलचित्रको वितरण अधिकार लिएका छन् ।
अमर महर्जनको सिनेमेट्रोग्राफी रहेको चलचित्र निमेष श्रेष्ठको सम्पादन, शंकर महर्जनको द्वन्द्व, र राजीव कर्णको कोरियोग्राफी छ ।
गतबुधबार ललितपुरको एक चलचित्र भवनमा भव्य प्रिमियरमा सयौं कलाकार र शुभेच्छुकले चलचित्रको सकारात्मक प्रतिकृया दिएका थिए ।
प्रतिक्रिया