चलचित्र ‘अञ्जिला’लाई दर्शकको साथ, कलेक्सन रिपोर्ट सार्वजनिक

काठमाडौं
गत बिहीबारबाट प्रदृशनमा आएको नेपाली चलचित्र ‘अञ्जिला’लाई दर्शकले ‘राम्रो’ दिएका छन् । निर्माण पक्षका अनुसार विहीबार, शुक्रबार र शनिबार तीन दिन चलचित्रले २ करोड ७ लाख व्यापार गरेको छ ।

चलचित्रका निर्माता प्रेमकुमार श्रेष्ठले वितरकहरूबाट प्राप्त रिपोर्टका आधारमा कलेक्सन रिपोर्ट सार्वजनिक गरिएको बताइएको छ । पहिलो शनिवार देशभरका सम्पूर्ण शोहरू हाउसफुल भई नयाँ शोहरू समेत थपिएको थियो र थपिएका शोहरु समेत तुरुन्तै हाउसफुल भइरहेको निर्देशकले बताएका थिए ।
विहीबार शुक्रबार र शनिबार तीन दिन राम्रो गरेको चलचित्रले आइतबार सार्वजनिक विदा नभएपनि पनि व्यापार नघटेकोे वितरक करण श्रेष्ठले बताएका छन् ।
‘अञ्जिला’ नेपाली महिला राष्ट्रिय फुटबल टिमकी कप्तान एन्जिला तुम्बापो सुब्बाको जीवनीमा आधारित छ, जसमा एन्जिला आफैँले प्रमुख भूमिकामा अभिनय गरेकी छन् । यसमा उनको बाल्यकालदेखि खेल जीवनसम्मको सङ्घर्ष र सफलताको भावुक कथा प्रस्तुत गरिएको छ ।
यस चलचित्रमा एन्जिलाको साथमा प्रेमकुमार श्रेष्ठ, सुनिल थापा, दयाहाङ राई, विजय बराल, सिर्जना सुब्बा, माओत्से गुरुङ, सुमीन गुरुङ, बुद्धि तामाङ लगायतका कलाकारको अभिनय रहेको छ ।