महानायक राजेश हमाल दिलोज्यान दिएर चलचित्र ‘नरसिंहाः अवतार’ को प्रचारमा

काठमाडौं
पछिल्लो समय महानायक राजेश हमाल चलचित्र ‘नरसिंहाः अवतार’ चलचित्रको प्रचार प्रसारका लागि पनि दिलोज्यान दिएर लागेका छन् । अघिल्ला चलचित्रहरुको प्रमोसनमा महानायक हमाल खासै हिँड्ने महानायक हमाल चलचित्र ‘नरसिंहाः अवतार’का लागि भने चलचित्र प्रर्दशन भएदेखि नै दर्शकसँग साक्षात्कार गर्न व्यस्त छन् ।

चलचित्र प्रर्दशनकाको सुरुवाती दिनमा काठमाडौ उपत्यकाका प्रमुख सिनेमा हल पुगेर दर्शकसँग साक्षात्कार गरेका हमाल यतिबेला देश दौडाहामा छन् ।
उनी ‘नरसिंहाः अवतार’का दर्शक भेट्नका लागि पूर्वी नेपालको यात्रा पुरा गरेर यतिबेला पश्चिम नेपालमा छन् । यात्रामा उनलाई चलचित्रका अभिनेता राज कटुवाल, अभिनेत्री सनिशा भट्टराई, वितरक छविराज ओझालगायतले साथ दिइरहेका छन् । महानायक हमाल अंगरक्षक विना नै प्रमोसनमा हिडिरहेको सार्वजनिक भिडियो र तस्विरहरुमा देखिन्छ ।

सात दिनको व्यापार दुई करोड ४ लाख

आठ बर्षपछि नेपाली चलचित्रमा अभिनय गरेका महानायक राजेश हमालको चलचित्र ‘नरसिंहाः अवतार’को सात दिनमा जम्मा दुई करोड ४ लाख व्यापार (ग्रस कलेक्सन) गरेको छ ।

चलचित्र प्रर्दशनको आज शुक्रबारबाट दोस्रो साता प्रवेश गरेको छ ।
चलचित्रका उपत्यका वितरक करण श्रेष्ठका अनुसार दोस्रो सातामा आइपुग्दा चलचित्रप्रति दर्शकको क्रेज उत्तिकै धेरै रहेको दाबी गरेका छन् । चलचित्र हेर्ने अधिकांश दर्शकले चलचित्रमा राजेश हमालको उपस्थितिलाई उत्कृष्ट रहेको सुन्न सकिन्छ ।
दीवाकर भट्टराईको निर्देशनमा तयार भएको यस चलचित्रमा हमालसहित राज कटुवाल, नीति शाह, सनिषा भट्टराई, नीर शाह, प्रशान्त ताम्राकार, राजिभ जंग बस्नेत, रमेश चन्द सोडारी लगायतको अभिनय छ । क्रियटिभ सिने आट्र्सको ब्यानरमा नेम महर्जन, दीपक ढकाल, नरेन्द्र महर्जन र ध्रुव न्यौपानेको फिल्ममा लगानी छ । यसमा राजु विक्रम थापाको डीओपी र साहिल खानको सम्पादन छ ।