अभिनेता विपिनसँगै रमेश उप्रेती रवि लामिछानेको पक्षमा

नेपाली चलचित्रका चर्चित अभिनेता विपिन कार्की र रमेश उप्रेतीले ‘रवि लामिछानेमाथि भएको राजनीतिक प्रतिशोधका विरुद्ध जनताको हस्ताक्षर अभियान’मा हस्ताक्षर गरेका छन् ।
राष्ट्रिय स्वतन्त्र पार्टीको मुख्यालय वनस्थली पुगेर दुवै अभिनेताले हस्ताक्षर गरेका हुन् ।

असारको ७ गतेदेखि रास्वपाले सभापति रवि लामिछानेलाई जेलबाट छुटाउन दबाब दिनका लागि हस्ताक्षर अभियान चलाइरहेको छ । सोही हस्ताक्षर अभियानमा अभिनेता विपिन र रमेश सहभागी भएका हुन् ।
अभिनेताहरु पार्टी कार्यालय नै पुगेर राजनीतिक विचारमा समर्थन गरेपछि उनीहरुविरुद्ध समर्थकहरुले आलोचना गरिरहेका छन् । राष्ट्रिय कलाकारहरुले निश्चित पार्टीको झण्डामुनि जान थालेपछि क्रेट विस्तारै कम हुने गरेको छ ।
पछिल्लो समय अभिनेत्री करिष्मा मानन्धर, रेखा थापा र भूवन केसी राजनीतिक दलमा प्रवेश गरेपछि समर्थकहरु निराश भएका थिए । विस्तारै उनीहरुको क्रेज घटेको देखिन्छ ।