‘भाइटीका’ फिल्ममा विपिन कार्की मुख्य भूमिकामा अनुबन्धित

काठमाडौं । चर्चित अभिनेता विपिन कार्की नयाँ फिल्म ‘भाइटीका’ मा मुख्य भूमिकाका लागि अनुबन्धित भएका छन्। यस वर्ष सुपरहिट बनेको फिल्म ‘ऊनको स्वीटर’ पश्चात कार्कीले नयाँ फिल्ममा मुनाफा साझेदारको रूपमा आवद्ध हुँदै फरक मोडेल अपनाएका छन्। कलाकारहरूले महँगो पारिश्रमिक लिने चर्चा चलिरहेका बेला कार्कीले व्यवसायिक साझेदारीको रूप लिनुलाई नेपाली फिल्म वृत्तमा सकारात्मक रूपमा हेरिएको छ।

‘भाइटीका’ फिल्म रोहित अधिकारीको लगानीमा बन्नेछ भने निर्देशन दीपक वलीले गर्नेछन्। पटकथा महेश दवाडीले तयार पारेका हुन्। फिल्मले दिदी–भाइको कथालाई समेट्नेछ। विपिनले फिल्ममा दाइको भूमिकामा देखिनेछन्। फिल्म यसै वर्ष छायांकन हुने र आगामी वर्षको तिहारमा प्रदर्शन गर्ने तयारी गरिएको छ।

फिल्मको कथा, निर्देशन र अभिनय संयोजनको रुपमा ‘भाइटीका’ नेपाली सामाजिक सम्बन्धमा आधारित भावनात्मक पारिवारिक ड्रामा हुने अनुमान गरिएको छ।