‘‘मिस पवी’ आफैले अभिनय गरेको चलचित्र ‘माग्नेराजा’ नहेर्ने’

टिकटकर तथा कलाकार पवित्रा साकी ‘मिस पवी’ आफैले अभिनय गरेको चलचित्र ‘माग्ने राजा’ नहेर्ने बताएकी छिन् ।
आफूलाई चलचित्रका टिमले बदनाम गरेको भन्दै उनले चित्त दुखाएकी छिन् । एक टेलिभिजन कार्यक्रममा अन्र्तवार्ताको क्रममा अभिनयका क्रममा ५ सय टेक लिएपछि अभिनय गर्न नसकेको भन्दै निकालिएको खुलासा गरिदिएको उनको बुझाई छ । उनले भनेकी छिन्, ‘दुई तीन घण्टामा ५ सय टेक लिन सकिदैन होला ।’

आफूले ५ सय टेक लिएको थाहा नभएको उनको भनाई छ ।
चलचित्रको टिमबाट बाहिर नल्याएसम्म बाहिर कुरा नजाने भन्दै उनले चलचित्र टिमले नै यो कुरा बाहिर ल्याएको उनले आरोप लगाइन् ।

सञ्चारमाध्यमहरुमा नराम्रो समाचार सार्वजनिक भएको विषयमा चलचित्रका निर्माण पक्षसँग झगडा परेको र कानूनी उपचारमा जाने विषयमा कुराकानी गरेको समेत उनले बताएकी छिन् । यो विषयमा निरन्तर चर्चा भइरहेको भन्दै उनले असन्तुष्टि व्यक्त गरिन् ।

आफ्नो विषयमा विवाद श्रृजना गरेर चलचित्र माग्नेराजाको प्रोमोसन गर्दा करिअरमा असर परिरहेको उनको तर्क छ ।

तर ‘माग्नेराजा’को चलचित्र निर्माण पक्षले मिस पवि चलचित्र ननिकालेको दाबी गर्दै आएको छ ।
पछिल्लो समय टेलिभिजन शो कमेडी दरवारमा प्रस्तुती दिइरहेकी कलाकार आफूलाई हास्यकलाकार होइन भन्छिन् । आफूले प्रस्तुती दिइरहेको तर्क गर्दै अब चलचित्र क्षेत्रमा सक्रिय रहने प्रतिबद्धता व्यक्त गरिन् ।
उनले चलचित्र मोहरमा समेत छोटो भूमिकामा अभिनय गरिसकेकी थिइन् ।