हलिउडमा रमाउदैछन् अभिनेता प्रदीप खड्का

पछिल्लो समय अभिनेता प्रदिप खड्का अमेरिकामा छन् ।
उनी सोसल मिडियामा अमेरिकामा रमाउदै गरेको पोष्टहरुबाट देख्न सकिन्छ ।
उनी हलिउड पुगेर तस्विर खिचाएका छन् । उनी त्यहाँ मिस नेपाल उत्तरी अमेरिका २०२५ मा निर्णायक भए ।

उनले मेरील्याण्डको गेथेस्बर्गमा नेपालीहरुसँग साक्षात्कार गरेका छन् ।
‘मिट एण्ड ग्रीट विथ प्रदीप खड्का’ नाम दिइएको सो कार्यक्रममा झण्डै एक सय नेपालीहरुबीच उनले उभिएर फिल्मी क्यारिअर र व्यक्तिगत जीवनका विभिन्न पाटो केलाए ।

उनीसँग भीडसँग रमाउदै फोटो खिच्न रं टिकटक बनाउन व्यस्त देखिन्थे ।

कार्यक्रमपछि उनले भने,‘यो माया र साथ अनि नेपाली कलाप्रेमी सन्सारभर फैलीएको र आफुले पाएको सम्मान र साथले झन आफुलाई भावुक बनाएको छ । कलाकार प्रतिको यो सम्मानले आफूमा झन् जोश एवं जिम्मेवारी थपिएको अनुभुती भएको छ ।’

चलचित्र पिताम्बरको प्रर्दशनपछि अभिनेता प्रदिप हलिउडको गुणस्तरमा निर्माण भएको चलचित्र एक्लो प्रर्दशनको प्रतिक्षामा छन् । सोही चलचित्रको प्रबद्र्धनका क्रममा उनी केही समयअघि विश्व प्रसिद्ध चलचित्र इभेन्ट कान्समा समेत सहभागी भएका थिए ।