टेलिभिजन कार्यक्रम ‘कठघरा’ प्रशारणमा आउने भएको छ । नेपाली सञ्चार जगतका दमदार हस्ती टीकाराम यात्रीले टेलिभिजन शो सञ्चालन गर्दैछन् ।
मूनलाइट मोसन पिक्चर्सले प्रस्तुतीमा गहिरो बहस, तर्क र सशक्त संवादको वातावरण सिर्जना गर्ने टेलिभिजन कार्यक्रम ‘कठघरा’ तिहार लगत्तै प्रसारण हुने भएको हो ।
कार्यक्रमको पहिलो सिजनमा १८ वटा भाग रहनेछन्। ‘कठघरा’ नामले नै जनाएझैँ, यस कार्यक्रमले राजनीतिक, सामाजिक तथा कला क्षेत्रमा विशिष्ट योगदान र ख्याति कमाएका व्यक्तित्वलाई ‘कठघरा’मा उभ्याउनेछ ।
पत्रकार, टेलिभिजन प्रस्तोता तथा लेखकका रूपमा परिचित यात्री समसामयिक राजनीतिक तथा सामाजिक विषयमा आधारित कार्यक्रम सञ्चालनका लागि प्रसिद्ध छन् । सामाजिक न्याय, सुशासन र नागरिक अधिकारका सवालमा धारिलो विचार प्रस्तुत गर्दै आएका उनले यसअघि पनि लोकप्रिय टक शोहरू सञ्चालन गरिसकेका छन् । विश्लेषणात्मक प्रस्तुतिका कारण उनलाई नेपाली पत्रकारितामा एक बौद्धिक अनुहारका रूपमा लिइन्छ।
कार्यक्रमका निर्माता सन्तोष भण्डारी रहेका छन्। उनले यो कार्यक्रमलाई दर्शकसम्म शक्तिशाली प्रस्तुतिका साथ पु¥याउने विश्वास व्यक्त गरेका छन्।
‘कठघरा’ एपि वन टेलिभिजनमार्फत प्रसारण हुनेछ भने यसको डिजिटल अधिकार ओएसआर डिजिटलले लिएको छ।
प्रतिक्रिया