नेकपा एमाले ललितपुरका केन्द्रिय सदस्यहरु सम्मानित

चापागाँउ
प्रेस चौतारी नेपाल ललितपुर शाखाले नेकपा एमालेको केन्द्रिय सदस्यमा विजयी नेता तथा नेतृहरुलाई आज सम्मान गर्ने भएको छ । ललितपुरमा अपरान्ह एक औपचारिक कार्यक्रमको आयोजना गरेर विजयी केन्द्रिय सदस्यहरुलाई सम्मान गर्न लागेको छ ।
गएको मंसिर २७ गतेबाट राजधानीमा सम्पन्न पार्टीको ११ औं महाधिवेशनमार्फत ललितपुरबाट नेकपा एमालेका लागि ४ महिला सहित ६ जना नेता केन्द्रिय सदस्यमा विजयी भएका थिए ।
सार्वजनिक मत परिणाम अनुसार खुलातर्फ महिला केन्द्रिय सदस्यमा सुशीला नेपाल, तारा सञ्जेल,डा. टिका ढकाल र सान्तना दाहाल विजयी भएका हुन् । नेताहरु हरिकृष्ण व्यञ्जनकार र केन्द्रिय लेखा आयोग सदस्यमा रामेश्वर श्रेष्ठ पनि विजयी भएका थिए ।
निर्वाचनमा खुलातर्फ वागमती प्रदेश सचिव नवराज सिलवाल र दलीत क्लस्टरतर्फ प्रदिप रम्तेल पराजित भएको थिए ।