बच्चैदेखि नक्कली थिइन् अभिनेत्री आकृति

ललितखबर
पेशाले मेकअप आर्टिस हुन् आकृति राजभण्डारी । पछिल्लो समय म्युजिक भिडियो टिकटकर र कण्टेन क्रियटर हँदै उनी चलचित्र ‘कुमारी’को हिरोइन् बनिन् । कला क्षेत्रमा उनको यात्रा हेर्दा लोभलाग्दो देखिन्छ । डेव्यु नायिका आकृतिको चर्चा हेर्दा चलेको हिरोइनभन्दा कम छैन ।

चर्चित गायक सशान्त केसीको बार्दली म्युजिक भिडियोमा देखिएपछि आकृतिको चर्चा सुरु भएको हो । उनी एकपछि अर्को सफल चलचित्रको निर्देशन गरेका दिनेश राउतको आँखामा परेपछि हिरोइन बनिन् ।

’हामीले लभस्टोरी चलचित्र बनाउने निधो गरेपछि अभिषेक खड्कालाई हिरो पात्रको रुपमा छान्यौ । अनि हिरोइनको खोजी भयो । आकृतिको फोटो देख्नै वित्तिकै मैले अडिसनका लागि बोलाएको थिए ।’ निर्देशक राउतले राजधानीमा पत्रकारहरुसँग गफिदै सम्झिए ।

अभिनेत्री आकृति बच्चैदेखि नक्कली रहेछिन् । उनले भनिन्, ‘बच्चा बेलामा मलाई सधै सधै नक्कल पार्नु पथ्र्यो । मामुको कस्मेटिक पसलमा भएका महँगो ब्राण्डका समान लगाउने, फोटो खिच्न मन पराउने मेरो स्वभाव थियो ।’ उनलाई आफू ठूलो भएपछि हिरोइन बन्छु भन्ने लागेको रहेछ ।

माघ २३ गतेबाट देशभर प्रर्दशनको तयारीमा रहेको चलचित्र कुमारीमा आकृति र अभिषेक खड्काको गीत ‘डोको बुन्ने निगालो चोयाले’ आजकल जहाँत्यही सुनिन्छ । सामाजिक सञ्जलमा समेत यो गीतले सर्वाधिक एक करोडभन्दा धेरै भ्युज पाइसकेको छ ।

चलचित्रको निर्माण पक्षले प्रचारका लागि देशभर कन्र्सट आयोजना ग¥यो । कन्र्सटमा आकृति र अभिषेक नृत्य गर्दै स्टेजमा झुल्किदा दर्शकहरु चिच्याएर हुटिङ गरेको सुनिन्थ्यो । आकृति र अभिषेक पनि विछट्टै राम्रो नाचेर दर्शकलाई मनोरञ्जन दिए । दर्शकहरु आकृति र अभिषेकको अगाडि झुम्मिएको देख्दा लाग्थ्यो – उनीहरु चर्चित सेलिब्रेटी हुन् ।