अभिनेता पल शाह चलचित्र निर्माणमा अघि सरे,अन्जनासँग बाधिँदै जोडी

अभिनेता पल शाह आफै चलचित्र निर्माणमा अघि सरेका छन् ।

पल शाह फिल्मस्को प्रस्तुतिमा चलचित्र ‘यानीमायाः रिदम अफ लभ’ निर्माणको टुंगो लागेको हो ।

यस चलचित्रकोका केही समयमा नै छायांकन सुरु हुने बताइएको छ ।

निर्माणपक्षले आज चलचित्रको फस्टलुक सार्वजनिक गरेको छ । यो पोष्टरलाई ट्राइडेन्ट कन्सेप्टका रोयल भिमसेनले तयार पारेका हुन् । चलचित्रमा नायक पल शाह र नव–नायिका अञ्जना मगरको जोडी पक्का भएको छ । पल र अञ्जनाले यसअघि म्यूजिक भिडियोमा काम गरेका छन् ।

यो चलचित्रलाई ओम प्रतिकले निर्देशन गर्दैछन् । ओमले चलचित्र ‘मोहर’लाई निर्देशन गरेका थिए, जसमा नायक पल शाह मुख्य भूमिकामा थिए । यो चलचित्रलाई दर्शकले निकै रुचाएका थिए ।
अब, ओम र पलले एउटै चलचित्रमा फेरि टिमअप गरेका छन् । चलचित्रमा पल शाह र चन्द्र ज्योती आलेको लगानी रहनेछ । ‘यानीमाया’लाई ‘प्रेमको धुन’ भनिएको छ । यसैले, पनि यो चलचित्र प्रेमको कथामा निर्माण हुन लागेको वुझ्न सकिन्छ ।

निर्माणपक्षले अन्य जानकारी विभिन्न चरणमा दिदै जाने बताएको छ । यो वर्ष पलका ‘मोहर र आ बाट आमा’ रिलिज भइसकेका छन् । दुवै चलचित्रले दर्शकको अथाहा प्रेम पाए । यसैले, पल आफैले निर्माण गर्न लागेको ‘यानीमाया’ पनि दर्शकका लागि प्रतिक्षामा रहने निश्चित छ ।

चलचित्रको छायांकन जेठको १ गतेबाट सुरु गर्ने तयारी रहेको बताइएकोछ ।