ललितखबर
बक्सअफिसमा सिमित नेपाली चलचित्रहरु सफल हुन्छन् । निरन्तर ५१ दिनसम्म प्रर्दशन हुन सफल चलचित्र वर्षमा हातमा गन्न सकिने मात्रै छ ।
त्यसो त डेव्यु कलाकारहरुको चलचित्र सफल बन्न मुस्किल पर्छ । नेपालमा होस्टल श्रृखला बाहेक थोरै डेव्यु कलाकारहरु सफल छन् । तीमध्ये पर्छिन् अभिनेत्री उषा उप्रेती ।
टिकटक, म्युजिक भिडियो हुँदै रजतपटको यात्रा सुरु गरेकी अभिनेत्री उषाको अभिनय रहेको चलचित्र आबाट आमा सफल बन्दै निरन्तर ५१ दिनसम्म देशका विभिन्न हलहरुमा प्रर्दशन हुन सफल बन्यो । सफलतासँगै अभिनेत्री उषा निकै फुरुंग देखिएकी छिन् । उनको चुरिफरी हेर्दा अभिनेत्री उषाको सफलतामा भूईंमा खुट्टा छैन भन्दा फरक पर्दैन ।
केही दिनअघि राजधानीमा आयोजना गरिएको ५१ दिने सफलता उल्हास कार्यक्रममा उनको तडकभडक भिन्न देखिन्थ्यो । कार्यक्रममा अभिनेत्री विपना थापा, सिम्रन पन्तलगायत कलाकारहरु शान्त देखिन्थे । अभिनेत्री उषा भने फरुक्क पर्दै पत्रकारहरुसँग मस्कि मस्कि गफिन्थिन् । उनलाई तस्विरको पोज दिन फर्सद थिएन ।
एकातिर उषाको उल्हास स्वभाविक पनि लाग्न सक्ला । तर एउटा माघले जाडो जाँदैन भने झैं सधै चलचित्र क्षेत्रमा सफल नै भइन्छ भन्ने निश्चित भने हुँदैन । सफल चलचित्रको प्रतिक्षामा अभिनेत्रीहरुले लामो समय संर्घष गरिरहेको सन्दर्भमा उषा भाग्नमानी कलाकार सावित भइन् ।
तर अभिनेत्री उषाले हेक्का राख्नुपर्छ, चलचित्र सफल बन्न थोरै मेहनतले हुन्न । कलाकारले सफलतामा मातिनु हुन्न, असफल भए आत्तिनु हुन्न । कलाकारमा धैर्यताको जरुरी हुन्छ है उषा । बुझ्नु ।
प्रतिक्रिया