ललितखबर
चलचित्र ‘मास्टर्नी’को गीत तुरून्त बन्द शिक्षक महासंघको माग गरेको छ ।
चलचित्र ‘मास्टर्नी’ को ‘प्रमोसनका लागि सार्वजनिक गरिएको म्याथ सिक्ने भए …’ तुरून्त बन्द गर्न नेपाल शिक्षक महासंघले माग गरेको हो । शिक्षक महासंघले शुक्रबार विज्ञप्ती जारी गर्दै उक्त गीतलाई चलचित्रमा समेत प्रयोग नगर्न आग्रह गरेको छ ।
गीतले शिक्षक र गणित पेसाको गरिमा माथि गम्भीर प्रहार गरेको महासंघका अध्यक्ष लक्ष्मीकिशोर सुवेदी र महासचिव तुलाबहादुर थापाद्वारा प्रकाशित विज्ञप्तीमा उल्येख छ ।
‘विज्ञप्तीमार्फत गीतले निरन्तरता पाएमा त्यसबाट उत्पन्न हुनसक्ने असहज परिणामप्रति चलचित्र निर्माता र त्यससँग सम्बन्धित कलाकार नै जिम्मेवार हुने चेतावनी दिइएको छ ।
५ भदौदेखि प्रदर्शनमा आउने तयारीमा रहेको चलचित्र ‘मास्टर्नी’ को यो गीत ‘दुईअर्थी र छाडा’ भन्दै आलोचना भइरहेको छ ।
गीत सार्वजनिक कार्यक्रममा समेत गीतलाई लिएर पत्रकारहरुले प्रश्न उठाएका थिए । निर्माता तथा कलाकारसमेत रहेकी प्रियंका कार्कीले गीतलाई केवल मनोरन्जनका लागि बनाइएको र चलचित्रको प्रचारात्मक सामाग्ी मात्रै रहेको स्प्रष्टिकरण दिएकी थिइन् ।
प्रतिक्रिया