बारामा गोली हानी शिक्षकको हत्या

१३ कात्तिक । बारामा गोली हानेर एक शिक्षकको हत्या गरिएको छ । बाराको कलैया उपमहानगरपालिका–६, मा अज्ञात व्यक्तिले गोली प्रहार गर्दा घाइते भएका बाल एकता इंग्लिस बोर्डिङ स्कुलका प्रधानाध्यापक रुपेश स्वर्णकारको मृत्यु भएको हो ।

उनको उपचारका क्रममा सोमबार दिउँसो वीरगञ्जस्थित बयोधा अस्पतालमा मृत्यु भएको हो । शिक्षक स्वर्णकारलाई मोटरसाइकल चढेर आएका व्यक्तिहरूले सोमबार दिउँसो करिब सवा १ बजेतिर गोली प्रहार गरेका थिए । उनको घाँटी र टाउकोमा गोली लागेको थियो ।