विहानै भूकम्पको धक्का महसुस

काठमाडौँ
२६ फागुन । आज शनिबार विहानै भुकम्पले धक्का दिएको छ ।
राष्ट्रिय भूकम्प मापन तथा अनुसन्धान केन्द्र लैनचौरका अनुसार आज कास्की जिल्लाको पर्चे केन्द्रविन्दू भएर भूकम्प गएको छ ।
आज बिहान ७ बजेर ३० मिनेट जाँदा पर्चे आसपास केन्द्रविन्दु भएर चार रेक्टरस्केलको भूकम्प गएको केन्द्रको भनाई छ ।

पछिल्लो समय नेपालको पूर्वी तथा पश्चिम क्षेत्रमा भूकम्प जाने क्रम जारी छ । नेपालको हिमालय क्षेत्रलाई भूकम्पको जोखिमको क्षेत्रका रुपमा लिने गरिन्छ ।