ललितपुर भैसेपाटीको बाइबल स्कूलमा विद्यार्थी मृत फेला, कुपण्डोलमा अर्का पुरुष मृत भेटिए

१६ भदौं । ललितपुर भैसेपाटीको एक बाइबल स्कूलमा अध्ययनरत एक विद्यार्थी मृत फेला परेका छन् ।
मोरङ घर भई ललितपुर भैसेपाटीको बाइबल स्कूलमा अध्ययनरत २९ वर्षीय सकलु मर्डी सोही होस्टेलमा शनिबार मृत अवस्थामा फेला परेका हुन् ।
प्रहरीका अनुसार ललितपुरको ललितपुर महानगरपालिका–२५ भैंसेपाटी आवास क्षेत्रस्थित डिएमआई वाईबल स्कुलको होस्टेलमा बसी अध्ययन गर्ने उनी मृत फेला परेका हुन् ।
यसैगरी ललितपुरको ललितपुर महानगरपालिका–१० कुपण्डोलस्थित बाग्मती करिडोरको अर्का पुरुष मृत फेला परेका छन् ।
बाग्मती करिडोरका डिलमा हाल नाम, थर, वतन नखुलेका अन्दाजी ३५ वर्षीय पुरूष शनिबार मृत अवस्थामा फेला परेका हुन् ।