आज पनि भूकम्पले दियो धक्का

काठमाडौँ
आज पनि पश्चिम नेपालमा भूकम्पले धक्का दिएको छ । आज बिहान ८ बजेर ३ मिनेट जाँदा भएको कम्पन ४.४ रिक्टर स्केल मापन गरिएको राष्ट्रिय भूकम्प मापन तथा अनुसन्धान केन्द्रले जनाएको छ ।

केन्द्रका अनुसार बिहीबार अपराह्न पनि सिन्धुपाल्चोकलाई केन्द्रविन्दु बनाएर ४.८ रिक्टर स्केलको कम्पन भएको थियो ।
यही पुस १६ गते पनि बैतडी केन्द्रविन्दु भएर ४.६ रिक्टर स्केलको कम्पन भएको थियो । पश्चिम नेपालमा निरन्तर भुकम्पको धक्का गइरहेको छ । विज्ञहरुले पश्चिमी नेपालमा लामो समयदेखि भुकम्प नभएका कारण जोखिम रहेको बताउदै आएका छन् ।
२०७२ वैशाख १२ गतेको महाभुकम्पपछि देशभर साना भुकम्प जाने क्रम निरन्त्र चलिरहेको छ ।