आज चीन केन्द्रबिन्दु भएर भूकम्प जाँदा नेपालमा पनि धक्का महसुस

काठमाडौं । चीन केन्द्रबिन्दु भएर सोमबार साँझ भूकम्प गएको छ । भूकम्पको धक्का नेपालका विभिन्न जिल्लाहरुमा समेत महसुस भएको थियो । अमेरिकी भूगर्भ सर्वेक्षण (युएसजिएस)का अनुसार साँझ ६ बजेर ४२ मिनेटमा तिब्बत केन्द्रबिन्दु भएर ५.१ म्याग्निच्युडको भूकम्प गएको हो ।

भूकम्पको धक्का बंगलादेश, भारत, भुटानमा पनि महसुस भएको बताइएको छ । भूकम्पको सामान्य धक्का काठमाडौंमा समेत महसुस भएको थियो । केही दिनअघि चीन केन्द्रबिन्दु नै भएर शक्तिशाली भूकम्प गएको थियो ।