ग्याँस विस्पोटपछि जयगढ बजारमा भिषण आगलागी, सत्ताइस घर जलेर नष्ट

अछाम
जयगढ बजारमा गएराति भएको आगलागीमा २७ वटा घर जलेका छन् । बान्निगढी जयगढ गाउँपालिका जयगढ बजारमा आगोबाट रु सात करोड भन्दा बढीको धनमाल नष्ट भएको छ ।

मुख्य बजारमा पुष्पराज शर्माले सञ्चालन गरेको आइएमई केन्द्रको ग्याँस सिलिण्डर विष्फोट हुँदा फैलिएको आगोले बजार सखाप पारेको हो । जलेका २७ घरमध्ये ११ वटामा स्थानीय व्यापारीले पसल सञ्चालन गरेका थिए ।

अछामका प्रहरी प्रमुख ईश्वरीप्रसाद भण्डारीले आगलागीबाट रु सात करोडभन्दा बढीको क्षति भएको अनुमान गरिएको जानकारी दिँदै पीडितहरुबाट क्षतिको विवरण यथाशीघ्र सङ्कलन गरिने बताएका छन् ।