चितवन । नारायणगढ–मुग्लिन सडकखण्डमा खसेको सुख्खा पहिरो पन्छाएपछि अवरुद्ध सडक सञ्चालनमा आएको छ। चितवनको इच्छाकामना गाउँपालिका–५ तुइन खोलामा आइतबार बिहान खसेको पहिरोका कारण सडक अवरुद्ध भएको थियो।
पहिरो हटाएपछि सडकमा दुईतर्फी सवारी आवागमन सुरु भएको जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालले जानकारी दिए। उनका अनुसार रोकिएका सवारी साधन अहिले धमाधम गन्तव्यतर्फ लागेका छन्।
प्रतिक्रिया