परिस्थितिलाई नबिथोल्न सुरक्षा फौजको आग्रह

काठमाडौँ
सुरक्षा फौजले परिस्थितिलाई नबिथोल्न आम नेपाली समक्ष आग्रह गरेको छ ।

देशका सुरक्षा सङ्गठनले मुलुकको शान्ति सुव्यवस्थाको परिस्थिति क्रमशः सहजीकरणतर्फ उन्मुख भइरहेकाले त्यसलाई असर पर्ने कुनै पनि क्रियाकलाप नगर्न÷नगराउन सबै तह र तप्कासँग आग्रह गरेका हो ।

देशको शान्ति सुरक्षा र अमनचयनका लागि अहोरात्र परिचालित सुरक्षा फौजले सम्हालिँदै गएको परिस्थितिलाई बिथोल्ने कुनै पनि किसिमका गतिविधि र क्रियाकलाप नगर्न समाजका सबै पक्षको ध्यानाकर्षण गराएका छन् ।
प्रधानमन्त्रीको राजीनामा र देशभरका सरकारी कार्यालयहरुमा आगो लगाएपछि अहिले नेपाली सेनाले देशको सुरक्षाको जिम्मा लिएको छ । प्रधानमन्त्रीको नियुक्तिका लागि वार्ता भइरहे पनि निर्णय भने भएको छैन ।