एमाले ११औँ महाधिवेशन: अध्यक्षमा ओली, महासचिवमा पोखरेल निर्वाचित

काठमाडौं । नेकपा एमालेको अध्यक्षमा केपी शर्मा ओली विजयी भएका छन्। काठमाडौँमा सम्पन्न ११ औँ राष्ट्रिय महाधिवेशनबाट ओली अध्यक्षमा निर्वाचित भएका हुन्।

ओलीले १ हजार ६६३ मत प्राप्त गर्दै अध्यक्ष पद सुरक्षित गर्दा उनका निकटतम प्रतिस्पर्धी ईश्वर पोखरेलले ५६४ मत पाए। यससँगै ओली लगातार तेस्रो पटक एमाले अध्यक्षमा निर्वाचित भएका छन्।

आज बिहान सम्पन्न मतदानमा कुल २ हजार २२७ प्रतिनिधिले मतदान गरेका थिए। महाधिवेशनमा २ हजार २६३ प्रतिनिधि मतदाता रहेका थिए। नयाँ नेतृत्व चयनका लागि बुधबार बिहानदेखि सुरु भएको मतदान आज बिहान ७ बजे सम्पन्न भएको हो। मतदान प्रक्रियामा ८० वटा विद्युतीय भोटिङ मेसिन प्रयोग गरिएको थियो।

यसैगरी, महासचिव पदमा शंकर पोखरेल निर्वाचित भएका छन्। पोखरेलले प्रतिस्पर्धी सुरेन्द्र पाण्डेलाई पराजित गर्दै महासचिव पद जितेका हुन्। पोखरेलले १ हजार २२८ मत प्राप्त गर्दा पाण्डेले ९९९ मत पाए।

महाधिवेशनबाट अध्यक्ष र महासचिवसहित नयाँ नेतृत्व चयन भएसँगै एमालेको आगामी राजनीतिक दिशा र संगठन सुदृढीकरणमा नयाँ गति आउने अपेक्षा गरिएको छ।

१९ पदाधिकारीमा प्रतिस्पर्धीको मत
अध्यक्ष (१)

केपी शर्मा ओली : १६६३ (विजयी)
ईश्वर पोखरेल : ५६४ (पराजित)
उपाध्यक्ष (५)
पृथ्वीसुब्बा गुरुङ : १७३७ (विजयी)
विष्णुप्रसाद पौडेल : १६७५ (विजयी)
रामबहादुर थापा बादल : १५१६ (विजयी)
गोकर्णराज विष्ट : १३६८ (विजयी)
रघुजी पन्त : १२५८(विजयी)
गुरुप्रसाद बराल : ११३७ (पराजित)
बिन्दा पाण्डे : ९२१ (पराजित)
परशुराममेघी गुरुङ : ४६१ (पराजित)
अरुण नेपाल : ४३९ (पराजित)
टकंप्रसाद कार्की : ३५८ (पराजित)
भीमप्रसाद आचार्य : २६५ (पराजित)
महासचिव (१)

शंकर पोखरेल : १२२८ (विजयी)
सुरेन्द्रप्रसाद पाण्डे : ९९९ (पराजित)
उपमहासचिव (३)

लेखराज भट्ट : १४५२ (विजयी)
रघुवीर महासेठ : १३६८ (विजयी)
योगेस भट्टराई : १३४८ (विजयी)
विष्णुप्रसाद रिमाल : १०९१ (पराजित)
आनन्दप्रसाद पोख्रेल : ६३५ (पराजित)
वैजनाथ चौधरी : ५१७ (पराजित)
राजेन्द्रप्रसाद गौतम : २७० (पराजित)
सचिव (९)

महेश बस्नेत : १५४४ (विजयी)
पद्माकुमारी अर्याल : १५३० (विजयी)
छविलाल विश्वकर्मा : १५०६ (विजयी)
शेरधन राई : १५०३ (विजयी)
हिक्मतकुमार कार्की : १३३७ (विजयी)
खगराज अधिकारी : १२३१ (विजयी)
यमलाल कँडेल : ११८५ (विजयी)
राजन भट्टराई : ११८१ (विजयी)
भानुभक्त ढकाल : ११०८ (विजयी)
गोकुलप्रसाद बासकोटा : १०३० (पराजित)
ठाकुरप्रसाद गैरे : ८८३ (पराजित)
रचना खड्का : ८७७ (पराजित)
कर्णबहादुर थापा : ८४७ (पराजित)
अग्निप्रसाद खरेल : ७१६ (पराजित)
विनोदप्रसाद ढकाल : ६८४ (पराजित)
कृष्णगोपाल श्रेष्ठ : ६२५ (पराजित)
लालबाबु पण्डित : ४९६ (पराजित)
पेम्बा लामा : ४९३ (पराजित)
पुरुषोत्तम पौडेल : ४६२ (पराजित)
इन्द्रलाल सापकोटा : ४०५ (पराजित)