काठमाडौँ
क्ुनै समय मधेशमा राम्रो प्रभाव रहेको काँग्रेस पछिल्लो समय कमजोर थियो । ०६३÷६३ पछि भएको मधेश आन्दोलनले थुप्रै मधेशवादी राजनीतिक दल र नेताहरुको उदय भएपछि काँग्रेस मधेसमा कमजोर बन्यो । ठूलो जनसँख्या र मतभार रहेको मधेशतर्फ काँग्रेस मोडिएको छ । पार्टी सभापति बने पनि गगन थापा मधेशबाट उम्मेदवारी दिएर आफू मधेशलाई अघि बढाउन तयार रहेको सन्देश दिए ।
नेपाली कांग्रेसको आज आइतबार काठमाडौंमा चुनावी घोषणापत्र सार्वजनिक गर्ने कार्यक्रम सारेर मधेशबाट गर्ने तयारी गरेको छ । अब जनकपुरमा प्रतिज्ञापत्र सार्वजनिक हुने भएको छ ।
कांग्रेस प्रवक्ता देवराज चालिसेले आइतबारका लागि पार्टी कार्यालय बिपीनगर सानेपामा तय गरेको प्रतिज्ञापत्र सार्वजनिक कार्यक्रम स्थगित भएको जानकारी दिएका छन् ।
कांग्रेसले ६ गते मधेस प्रदेशको जनकपुरधामबाट चुनावी सभाको सुरूआत गर्दैछ । सोही सभामा प्रतिज्ञापत्र सार्वजनिक गरिने उनले बताए ।
मधेशबाट चुनावी घोषणापत्र (प्रतिज्ञापत्र) सार्वजनिक गरेर काँग्रेस मधेश फर्केको सन्देश दिन खोजेको हो ।
निर्वाचन आयोगले दलहरूलाई फागुन २१ गते हुने प्रतिनिधिसभा निर्वाचनका लागि घोषणापत्र पेस गर्न आइतबारसम्मको समय दिइसकेको छ । कांग्रेस प्रवक्ता चालिसेले निर्वाचन आयोगमा आइतबारै प्रतिज्ञापत्र बुझाइने तर सार्वजनिक कार्यक्रम भने बुधबार हुने बताएका छन् ।
प्रतिक्रिया