मन्त्रिपरिषद हेरफेर र विस्तार

१० पुस ०७७, काठमाडौं । प्रधानमन्त्री केपी शर्मा ओलीले शुक्रबार मन्त्रिमण्डल हेरफेर र विस्तार गरेका छन्। प्रधानमन्त्रीले संसद भंग गरेपछि सात जना मन्त्रीले सामूहिक राजीनामा दिएका थिए। रिक्त रहेको मन्त्रालयमा आज प्रधानमन्त्री ओलीले मन्त्री थप गरेका हुन्।
टोपबहादुर रायमाझीलाई उर्जा, मणि थापालाई खानेपानी, प्रभु साहलाई शहरी विकास र प्रेम आलेलाई वन मन्त्रालयको जिम्मेवारी दिइएको छ । त्यस्तै गणेश ठगुन्र्ना सामान्य प्रशासन, गौरी शंकर चौधरी श्रममन्त्री, र दावा लामा युवा तथा खेलकुदमन्त्री भएका छन् । यस्तै जुली कुमारी महतोलाई महिला वालवालिका मन्त्रालयको जिम्मेवारी दिएका छन् । यस्तै विमला विश्वकर्मा उद्योग राज्यमन्त्री बनेकी छन् । युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगड मन्त्रिपरिषदबाट बाहिरिएका छन् ।
नवनियुक्त मन्त्रीले आजै पद तथा गोपनियताको सपथ लिएका छन्।