शंखमुलबाट चितुवाको छालासहित तीन पक्राउ

२७ पुस ०७७, ललितपुर । काठमाडौं शंखमुलबाट चितुवाको छालासहित तीन जना पक्राउ परेका छन्।

काठमाडौं महानगरपालिका–१० शंखमुल क्षेत्रमा चितुवाको छाला बेचबिखन भइरहेको भन्ने सूचनाको आधारमा प्रहरीले उनीहरुलाई पक्राउ गरेको हो ।

पक्राउ पर्नेमा दोलखा जिरी नगरपालिका – ३ घर भइ बौद्ध बस्ने २८ वर्षीय अर्जुन जिरेल, कैलाली धनगढी नगरपालिका–७ का २२ वर्षीय राज कंडेल र भक्तपुर बस्ने ४८ वर्षीय जयबहादुर जिरेल छन्।

उनीहरूबाट प्रहरीले एक थान चितुवाको छाला बरामद गरेको हो। प्रहरीले उनीहरुमाथि थप अनुसन्धान तथा कारबाही गर्न जिल्ला वन कार्यालय पठाउने तयारी गरेको छ।