वागमती लामिटार जंगलको आगो घिसिङको घर गोठमा सल्केपछि…

२२ चैत ०७७,मकवानपुर । बागमती गाउँपालिका ७ लामिटार सिरान टोल जंगलमा लागेको भिषण आगलागी एक घरमा सल्कदा घर गोठ नै जलेर खरानी भएको छ ।
गाउँपालिका ७ लामिटार सिरान टोल आगो फैलिएर त्यसै ठाउँ बस्ने मानबहादुर घिसिङ र जित बहादुर घिसिङका घर गोठमा शनिबार दिउँसो सल्केको थियो । आगलागी हुँदा दुवै जनाको गरी करिब ११ लाख ३० हजार रूपैयाँ बराबरको धनमाल जलेर नष्ट भएको छ । प्रहरीले जानकारी दिएको छ ।
आगलागीपछि स्थानीय गाँउलेले नियन्त्रणको प्रयास गरे पनि सम्भव भएको थिएन ।