धोविघाटको भाइरल पोखरीमा टिकटक खिच्न प्रशासनको निषेध

ललितपुर खबर
२६ चैत ०७७, धोविघाट । ललितपुरको धोविधाट मलपोखरीमा टिकटक खिचेर एकाएक भाइरल बनेपछि सुरक्षाको कारण देखाउदै प्रशासनले प्रवेशमा बन्देज लगाएको छ ।
टिक टकमा भिडियो भाइरल बनेपछि टाढा टाढाबाट टिक टक खिच्न र पोखरीमा प्रवेश गर्नेहरको भीड बढेपछि विहीबार महानगरिय प्रहरी प्रभाग बल्खुले पोखरीको तीनतिर बोर्ड लगाएर प्रवेशमा बन्देज लगाएको हो ।
लगाइएको वोर्डमा प्रहरी प्रभाग सानेपा र ललितपुर महानगरपालिकाको वडा नं. ४ को नाम उल्येख गरिएको छ । निषेधित सूचनामा लेखिएको छ, ‘यस मलपोखरीको दलदलमाथि जोखिमपूर्ण रुपमा जाने र अनावश्यक रुपमा भिडियो तथा फोटो खिच्दा दलदल भित्र भासिई ज्यान समेत जान सक्ने भएको हुँदा सो किसिमको क्रियाकलाप यस स्थानमा गर्न निषेध गरिएको छ ।सो किसिमको क्रियाकलाप यस स्थानमा गर्न निषेध गरिएको छ ।’

बोर्ड पोखरीनजिक राख्ने क्रममा महानगरिय प्रहरी प्रभाग वल्खुमा कार्यरत एक प्रहरीले भने दलदलमाथि बसेर फोटो खिच्दा भासिएर ज्यान जानसक्ने भन्दै स्थानीयबासीहरुको गुनासो आएको र भीड समेत बढ्न थालेपछि टिक टक खिच्न र जान निषेध गरिएको हो । उनले भने, ‘यदि कोही कसैले अनाधिकृत रुपमा प्रवेश गरि टिक टक खिच्ने र हिड्ने गरेको पाइए पक्राउ गरिने छ ।’
तर स्थानीय जगतबहादुर लामाले भने लामो समयदेखि पोखरीमाथि पलाएको घास काट्न र गाई भैसी चलाउन स्थानीय जाने गरेकोले प्रवेश गर्न भने प्रहरीले रोक्न नसक्ने वताए । उनले भने, ‘मैले नै धेरै पल्ट पोखरीमाथि पलाएको घाँसमा बाख्रा चराउन गएको छु ।’
उनका अनुसार पोखरी भासिएपछि गाई भैसी डुवेको समेत बताए । भने, ‘साना गाई भैसी चलाउदा केही भएको छैन ।’
ललितपुर महानगरपालिका वडा नं. ४का वडाध्यक्ष नारायण केसीले जुनसुकै बेला दुर्घटना हुन सक्ने भन्दै स्थानीय र सरोकार वालाहरुले सम्पर्क गर्न थालेपछि प्रवेश तथा टिकटक खिच्न निषेध गरिएको जानकारी दिए । भने, ‘त्यो जग्गा काठमाडौं उपत्यका खानेपानी लिमिटेडको हो । हाम्रो त्यसमा अधिकार छैन । तर वडाबासीको सुरक्षाका लागि हामीले सूचना टासेका छौं । प्रहरीले त्यसको सुरक्षा जिम्मेवारी हेर्छ ।’
पछिल्लो समय यस पोखरी वरपर मल बनाउनका लागि काम भइरहेको छ ।