कान्ति लोकपथ अवरुद्ध, दक्षिण ललितपुरका अरु सडकमा पनि पहिरो

ललितपुर खबर
१७ असार ०७८, चापागाँउ । बुधबार रातीदेखि निरन्तर बर्षा भएपछि राजधानीबाट तराई जाने छोटो बाटो कान्ति लोकपथ अवरुद्ध भएको छ । भट्टेडाँडा प्रहरी चौकीका अनुसार कान्तिलोकपथको ललितपुर खण्ड अन्र्तगत बगुवा र भालुखोला नजिक पहिरो गएपछि सडक अवरुद्ध भएको हो ।
दक्षिण ललितपुरको आश्राङ प्युटार सडकको गढी भञ्ज्याङमा पनि पहिरो गएको श्राआङ प्रहरीले जानकारी दिएको छ ।
ललितपुरको चापागाँउ गोटिखेल सडक भने सुचारु रहेको गोटिखेल प्रहरी चौकी र चौघरे प्रहरी चौकीले जानकारी दिउका छन् ।
प्रहरीका अनुसार निरन्तर बर्षा भएपछि पहिरो पन्छाउने तयारी भए पनि काम गर्न कठीन भएको छ ।