जोशीले गरे स्यस्यः समाजको घरबाटै जग पूजा

१० साउन ०७८, ललितपुर । वांगमय शताब्दी पुरुष डा सत्यमोहन जोशीले स्यस्यः समाज यलको ललितपुर महानगर १६ मा निर्माण हुने भवनको शिलान्यास गरेका छन् ।
कार्यक्रममा सत्यमोहन जोशीबाट वर्तमान कोरोना माहामारीका काराण उनकै स्वनिवासबाटै संकल्प पूजा गरेका हुन् । शनिबार बिहान ८ः४२ को शुभ साइतमा जग साइत पूजा र त्यस पछिको औपचारिक कार्यक्रममा समाजका अध्यक्ष ई सुरेन्द्र गोविन्द जोशीबाट स्वागत मन्तव्य व्यक्त गरेका थिए । ललितपुर महानगरपालिकाका मेयर चिरीबाबु महर्जनबाट शुभकामना मन्तव्य व्यक्त गरेका थिए ।
कार्यक्रममा प्रदेश सभाका माननीय सांसदद्वय ज्ञानेन्द्र शाक्य र शोभा शाक्य, उप मेयर गीता सत्याल, वडा अध्यक्षद्वय निर्मल रत्न शाक्य र बिनोद ताम्राकार, सल्लाहकार गोपाल मान श्रेष्ठ र अजर मान जोशी, ललितपुर उद्योग वाणिज्य संघका अध्यक्ष मनोज न्याछृयों लगायत विभिन्न जातीय समाज र संघसंस्थाका अध्यक्ष एवं प्रतिनिधि हरुको उपस्थिति रहेको थियो ।