राजधानी जोड्ने भैँसे–भीमफेदी सडक अवरुद्ध

१८ साउन ०७८, काठमाडौं । काठमाडौं तराई जाने वैकल्पिक सडक भँसे भीमफेदी सडकखण्ड पहिरोका कारण अवरुद्ध भएको छ । यस सडकको धोर्सिङमा गएराती ठूलो पहिरोकारण आज सोमबार बिहानैदेखि यातायात सेवा अवरुद्ध भएको हो ।
भीमफेदी गाउँपालिका ६ धोर्सिङलगायत अन्य पाँच स्थानमा ठूलो सानो पहिरो गएका कारणले भीमफेदी कुलेखानी हुँदै काठमाडौँतर्फ जाने सुमो जिपलगायत अन्य हल्का सवारी पनि भँैसेदेखि पान्द्राङसम्म लाइनबद्ध भएर प्रतीक्षामा रहेका इलाका प्रहरी कार्यालय भीमफेदीका प्रहरी निरीक्षक सुरेन्द्र श्रेष्ठले जानकारी दिएक छन् ।
उनले धोर्सिङलगायत अन्य स्थानमा दुई स्काभेटरले पहिरो पन्छाउने कार्य गरिरहेका र पहिरो पन्छाउन अझै तीन÷चार घण्टा लाग्ने भएकाले काठमाडौँ जाने यात्रुलाई निकै कष्ट भोग्नुपर्ने बाध्यता भएको बताए ।